Արմինֆո. Իրան-Հայաստան երկաթուղու կառուցման հարցը շարունակում է գտնվել երկկողմ հարաբերությունների օրակարգում, նոյեմբերի 6-ին խորհրդարանում լսումների ընթացքում հայտարարել է փոխարտգործնախարար Կարեն Նազարյանը:
Փոխնախարարի խոսքով, Իրան Հայաստան երկաթուղու կառուցման նախագիծը գտնվում է մասնագետների քննարկման ոլորտում, քանի որ միայն նրանք կարող են գնահատել շուրջ 2 մլրդ ԱՄՆ դոլար արժողությամբ ծրագրի իրականացման հիմնավորությունը: <Այդ հարցում մեզ մնում է ապավինել մեր մասնագետների փորձառությանը>,- ասել է Կարեն Նազարյանը: Հաշվի առնելով դա, ինչպես նշել է ԱԳՆ ներկայացուցիչը, տվյալ փուլում դժվար է կանխատեսել, թե երբ կկառուցվի այդ երկաթուղին:
Կարեն Նազարյանն անդրադարձել է նաև Հայաստան իրանական գազի մատակարարումների հարցին՝ ԱՄՆ վերջին հակաիրանական պատժամիջոցների համատեքստում: Ինչպես նշել է փոխնախարարը, 2008 թվականից Հայաստանն իրանական գազի մատակարարումներ է իրականացնում՝ <Գազ՝ էլեկտրաէներգիայի դիմաց> ծրագրի շրջանակներում: Ծրագիրն արդեն հասցրել է իրեն լավ կողմից դրսևորել, ինչով ոգևորված են նաև եվրոպացի գործընկերները, ովքեր, բացառված չէ, վերջին պատժամիջոցային սպառնալիքների լույսի ներքո կփորձեն փոխառել հայկական փորձը:
RUB | 4.19 | -0.01 |
USD | 395.10 | -0.14 |
EUR | 420.39 | 0.41 |
GBP | 492.14 | 0.22 |
CAD | 286.14 | -0.33 |
JPY | 25.55 | -0.01 |
CNY | 54.58 | -0.02 |
CHF | 433.51 | 0.65 |