Հինգշաբթի, 21 Նոյեմբերի 2019 20:06

Արմինֆո.Զանգեզուրի պղնձամոլիբդենային կոմբինատի 50 միլիոն ԱՄՆ դոլար և 2․5 մլրդ դրամ ծավալով պարտատոմսերը ցուցակվել են Հայաստանի ֆոնդային բորսայի Abond հարթակում։

 

Ինչպես ԱրմԻնֆո-ին հաղորդեցին Հայաստանի ֆոնդային բորսայի մամուլի ծառայությունից, դոլարային պարտատոմսերի՝ AMZPXKB21ER2, արժեկտրոնային եկամտաբերությունը կազմում է 7․5%՝ եռամսյակային վճարման պարբերականությամբ և 36 ամիս մարման ժամկետով։ Արժեկտրոնի անվանական արժեքը 100 ԱՄՆ դոլար է։

 

Դրամային պարտատոմսերը՝ AMZPXKB22ER0,  թողարկվել են 11% արժեկտրոնային եկամտաբրությամբ և 100 000 դրամ անվանական արժեքով։ 36 ամիս շրջանառության ժամկետով արժեկտրոնի վճարումները տեղի են ունենալու կիսամյակային պարբերականությամբ։

 

Պարտատոմսերը գնելու համար անհրաժեշտ է այցելել Հայաստանի ֆոնդային բորսայի գործընկեր կազմակերպությունների գրասենյակ։

 

	Դոլարային	Դրամային
Բորսայական հապավում	ZPXKB1	ZPXKB2
Տարբերակիչ ծածկագիր	AMZPXKB21ER2	AMZPXKB22ER0
Ցուցակման ամսաթիվ	21.11.2019	21.11.2019
Ցուցակ	Abond	Abond
Թողարկված ծավալ	50,000,000 ԱՄՆ դոլար	2.5 մլրդ ՀՀ դրամ
Անվանական արժեք	100 ԱՄՆ դոլար	100,000 ՀՀ դրամ
Արժեկտրոնի եկամտաբերություն	7.5%	11%
Արժեկտրոնի վճարման պարբերականություն	եռամսյակային	կիսամյակային
Մարման ժամկետ	36 ամիս	36 ամիս
Մարման ամսաթիվ	30.09.2022	30.09.2022

 

Հիշեցնենք, որ սեպտեմբերի 23 - ին Moody ' s Investors Service ("Moody ' s") ամերիկյան վարկանիշային ընկերությունը հրապարակել է ԶՊՄԿ-ի առաջին վարկանիշային գնահատականը "B2" մակարդակում՝ "կայուն" կանխատեսմամբ: Նշենք, որ "Զանգեզուրի պղնձամոլիբդենային կոմբինատ" ՓԲԸ - ի (ԶՊՄԿ) ստացած վարկանիշը երկու սանդղակով ցածր է 2019 թվականի օգոստոսի 27 - ին Moody ' s-ի կողմից շնորհված Հայաստանի սուվերեն վարկանիշից (Ba3՝ "կայուն" կանխատեսում):

 

Զանգեզուրի պղնձամոլիբդենային կոմբինատը շահագործում է Քաջարանի պղնձամոլիբդենային հանքավայրը։  Հանքաքարով կոմբինատի ապահովվածությունը կազմում է մոտ 150 տարի։  Կոմբինատը արտադրում է մոլիբդենի և պղնձի խտանյութեր։ Մոլիբդենի խտանյութը պարունակում է 50% մոլիբդենի, պղնձի պարունակությունը պղնձի խտանյութում առնվազն 15% է։  Ընկերության կողմից ստացվող պղնձամոլիբդենային խտանյութը Եվրոպա է առաքվում Իրանի և Վրաստանի տարածքով։

 

ԶՊՄԿ-ի փաստաթղթերի համաձայն՝ 2008-2019թթ. արտադրության ընդլայնման եւ արդիականացման համար ներդրումների ծավալը կազմել է շուրջ 500 մլն դոլար, ինչի արդյունքում կոմբինատի արտադրությունն աճել է 8 մլն-ից մինչեւ 20 մլն տոննա հանքաքարի հումք: Ընկերությունը նպատակ է դրել 2020 թվականին իր արտադրական արդյունքները հասցնել 22 մլն տոննայի՝ ընթացիկ տարվա կապիտալ ներդրումների հաշվին:

 

Զանգեզուրի պղնձամոլիբդենային կոմբինատը 2019 թվականի առաջին կիսամյակում գլխավորել է Հայաստանի խոշոր հարկատուների ցուցակը ՝ 2019 թվականի առաջին կիսամյակում պետական գանձարան վճարելով 29.5 մլրդ դրամ, որից 837.1 մլն դրամը ՝ մաքսատուրքերի, 17 մլրդ դրամը ՝ ուղղակի հարկերի գծով (այդ թվում ՝ շահութահարկ, եկամտահարկ), 839.7 մլն դրամը ՝ անուղղակի հարկերի գծով (այդ թվում ՝ ԱԱՀ, ակցիզային հարկ):

 

2019 թվականի հունվարի 1 - ի դրությամբ հրիապարակված տվյալների համաձայն, ընկերության կանոնադրական կապիտալը կազմել է 54.9 մլրդ դրամ ($113.5 մլն), ակտիվները կազմել են 583.2 մլն ԱՄՆ դոլար, պարտավորությունները ' 364.1 մլն դոլար: 2018 թվականի զուտ շահույթը կազմել է 32.1 մլն դոլար ։   Ընկերությունը դուրս է եկել շահույթով սկսել է աշխատել 2017 թվականին, մինչդեռ 2016 թվականի արդյունքներով այն ունեցել է 85 մլն դոլարի զուտ վնաս:

 

Ընկերության բաժնետերերն են գերմանական Cronimet Mining ընկերությունը (60%), "Երևանի Մաքուր երկաթի գործարան" ԲԲԸ-ն (15%), "Armenian Molybdenum Production" ՍՊԸ-ն և "Զանգեզուր Մայնինգ" ՍՊԸ-ն (12,5-ական տոկոս: Կապիտալի կառուցվածքը՝ ընդհուպ ԶՊՄԿ-ի բաժնետոմսերի հիմնական սեփականատերերի հետ անմիջականորեն փոխկապակցված անձինք եւ ընկերություններ, լիովին "անվանական" թափանցիկ է, սակայն ընկերությունը վերջնական շահառուների մասին տեղեկատվություն չի տրամադրում: Հայկական մամուլում տեղեկություն է տարածվել, որ "թավշյա հեղափոխությունից" հետո հրաժարական տված ՀՀ երրորդ նախագահ Սերժ Սարգսյանի ընտանիքի անդամների հարազատները՝ ընկերությունում շահեր ունեն: Հայաստանի մի շարք խորհրդարանականներ դիմել են համապատասխան մարմիններին ՝ պահանջելով հետաքննություն սկսել այն փաստի առնչությամբ, որ ընկերության բազմամիլիոնանոց ակտիվներին փաստացի տիրապետում են բավականին համեստ անձինք, որոնք առանձնապես մոտ են Սարգսյանի հարազատներին։

 

Մինչդեռդ, ինչպես ավելի վաղ Արմինֆո-ի թղթակցի հետ զրույցում հայտնել էր ԶՊՄԿ-ի մամուլի հետ կապի պատասխանատու Զառա Տոնականյանը, ընկերության ղեկավարությունը որոշել էլ հանրությանը չտեղեկացնել այդ իրադարձության մասին եւ մամուլի հաղորդագրություն չտարածել, նույնիսկ, չնայած իր առաջին կորպորատիվ փոխառու արժեթղթերի թողարկման բաց տեսակին: Նա կտրականապես հրաժարվել էր որեւէ մեկնաբանությունից այդ մասին:

 

Ինչպես կարծում են շուկայի փորձագետները, Հայաստանի խոշորագույն ձեռնարկություններից մեկի կողմից պարտատոմսերի փոխառության թողարկման մասին տեղեկատվության չհրապարակումը կարող է պայմանավորված լինելկապված լինել ԶԼՄ-ների, նույնիսկ գործարար մամուլի հետ շփվելու ղեկավարության ցանկության բացակայությամբ՝ "թավշյա հեղափոխությունից" հետո Հայաստանում սրված հանքարդյունաբերական արտադրությունների Էկոլոգիական անվտանգության, պոչամբարների պահպանության եւ անվտանգության խնդիրների եւ բնապահպանական նորմատիվների պահանջների խստացմանն ուղղված հրատապ միջոցներ ձեռնարկելու անհրաժեշտության առնչությամբ: Այդուհանդերձ,  ընկերությունը ներդրողների համար ռիսկերի նկարագրությունում հատուկ ուշադրություն է հատկացրել այս հարցին: Այդ առնչությամբ նշենք, որ վերջերս ԶՊՄԿ-ում տեղի է ունեցել էկոլոգիական վթար. տեղի է ունեցել հանքը պոչամբարի հետ կապող խողովակից կեղտաջրերի արտահոսք: Շրջակա միջավայրին հասցված վնասի գումարի մասին չի հաղորդվում։