Արմինֆո. Հունվարի 1-ից մարտի 31-ն ընկած ժամանակահատվածում գյուղատնտեսական վարկեր ստանալու համար դիմել է 1.6 հազար ֆերմեր (որոնց փոխառության ընդհանուր գումարը կազմել է շուրջ 6.8 մլրդ դրամ), սակայն միայն ապրիլի 1-ից մինչև 20-ն այդ ցուցանիշն աճել է 2 անգամ: Այս մասին ապրիլի 22-ին Միասնական տեղեկատվական կենտրոնում կայացած մամուլի ասուլիսի ժամանակ հայտարարել է ՀՀ էկոնոմիկայի փոխնախարար Արման Խոջոյանը։
<Հայաստանի բանկերն այսօր շատ ծանրաբեռնված են, դա վկայում է գյուղատնտեսական վարկերի նկատմամբ ֆերմերների բարձր հետաքրքրության եւ պահանջարկի մասին՝ հակաճգնաժամային միջոցառումների պետական ծրագրի շրջանակներում>, - ասել է նա:
Այդ առնչությամբ Խոջոյանը հայտնել Է, որ անցկացված դիտարկման արդյունքում պարզվել է, որ գյուղատնտեսական վարկերի հասցեականության մակարդակը կազմում է 90% -95%, իսկ չվերադարձելիության մակարդակը՝ 0,5% -1%: <Այսինքն ՝ գյուղացիների դժվար վիճակի մասին խոսել պետք չէ, նրանք կարող են սպասարկել իրենց վարկերը>, - ընդգծլ է փոխնախարարը:
Ընդհանուր առմամբ, հիմնվելով Կենտրոնական բանկի ստացված օպերատիվ տվյալների վրա, նրա խոսքով, հակաճգնաժամային միջոցառումների 2-րդ փաթեթով ստացվել է արդեն ավելի քան 13 հազար հայտ ՝ 27.6 մլրդ դրամ ընդհանուր գումարի չափով: Այս պահին հաստատվել է 4.3 մլրդ դրամի 2.9 հազար հայտ։
Ընդ որում, փոխնախարարը նշել է, որ կորոնավիրուսային վարակի հետ կապված ճգնաժամի պայմաններում գյուղատնտեսության աջակցության նոր փաթեթների մշակման շուրջ քննարկումները շարունակվում են, մասնավորապես՝ քննարկվում են առկա նախագծերում փոփոխություններ կատարելու տարբերակները, որոնց մասին շուտով կհայտարարվի: Այս համատեքստում Խոջոյանը չբացառեց, որ պետական օգնություն կարող է տրամադրվել ոչ միայն այն ֆերմերներին, ովքեր ցանկանում են զբաղվել ինտենսիվ այգիների տնկմամբ, այլ նաև նրանց, ովքեր նախընտրում են զբաղվել ավանդական այգեգործությամբ:
Լրացնելով իր գործընկերոջը ՝ էկոնոմիկայի փոխնախարար Տիգրան Գաբրիելյանն ընդգծել է, որ ինտենսիվ այգիների հետ կապված արդեն 15 շահառու կա (ամբողջ 2019 թվականի 20-ի դիմաց), որոնք մտադիր են 43 հա ընդհանուր մակերեսով ինտենսիվ այգիներ տնկել ՀՀ-ում: Հակաճգնաժամային միջոցառումների 2 փաթեթի շրջանակներում պետական աջակցության տրամադրման պայմաններին կարելի է ծանոթանալ հետևյալ հղումով ՝ https://finport.am/full_news.php?id=41345&lang=2։
