HSBC-ն արժանացել է երեք միջազգային մրցանակների Euromoney ամսագրի կողմից

Արմինֆո.Euromoney  ամսագրի կողմից HSBC-ն արժանացել է  գերազանցության միջազգային մրցանակի որպես առաջատար բանկ՝ կորոնավիրուսային համավարակի պայմաններում հաճախորդների սպասարկմանն, ինչպես նաև համայնքների և աշխատակիցների աջակցմանն ուղղված լայնածավալ ջանքերի համար։ 

HSBC-ն ճանաչվել է նաև աշխարհի լավագույն բանկ կայուն ֆինանսների և գործառնական ծառայությունների մատուցման առումով։

Լայնածավալ  լոգիստիկ գործողություններ

Euromoney-ն ընդգծել է  HSBC-ի համագործակցությունը կառավարությունների հետ, ինչպես նաև բանկի կողմից ձեռնարկած լայնածավալ լոգիստիկ գործողությունները, որոնց շնորհիվ բազմաթիվ աշխատակիցներ ստացան հեռավար եղանակով աշխատելու հնարավորություն, ինչպես նաև հաճախորդների  աջակցությանն ուղղված մի շարք քայլերը։

Մինչ օրս HSBC-ն տրամադրել է ավելի քան 27 միլիարդ ԱՄՆ դոլարի չափով աջակցություն վարկառու ֆիզիկական անձ հաճախորդներին և 52 միլիարդ ԱՄՆ դոլարի չափով վարկային միջոցներ` կորպորատիվ հաճախորդներին: Բանկը նաև աջակցել է զարգացման բանկերին և պետական մարմիններին կապիտալի շուկաներում 19.9 միլիարդ ԱՄՆ դոլարի չափով գումար հավաքագրելու հարցում ՝ համավարակի սոցիալական ու տնտեսական ազդեցությունը մեղմելու նպատակով։

«Euromoney ամսագրի մրցանակները փաստում են մարտահրավերներով լի այս ժամանակաշրջանում հաճախորդներին, աշխատակիցներին ու համայքներին աջակցելու նպատակով HSBC-ի կողմից գործադրված գլոբալ ջանքերի մասին։ Հայաստանում համավարակի բռնկումից ի վեր մեր աշխատակիցները ձեռնարկել են այն բոլոր հնարավոր միջոցները, որոնք բանկի մեծ թվով աշխատակիցների ընձեռել են  հեռավար եղանակով աշխատելու հնարավորություն՝ միաժամանակ շարունակելով հաճախորդներին անխափան և բարձրորակ ծառայությունների մատուցումը: Ցանկանում եմ հատուկ ընգծել նաև այն աջակցությունը, որ կարողացել ենք տրամադրել մեր ֆիզիկական անձ և կորպորատիվ հաճախորդներին, ինչպես նաև արագ արձագանքը հաճախորդների փոփոխվող պահանջներին,  ներառյալ աջակցությունը շտապ օգնության մեքենաների, դեղամիջոցների, բժշկական սարքավորումների՝ այդ թվում հիվանդանոցներին այնքան անհրաժեշտ թոքերի օդափոխման սարքերի և քիմիական նյութերի մատակարարման հարցում:  Երկրում կորոնավիրուսային համավարակի բացասական հետևանքները մեղմելու նպատակով HSBC Հայաստանը նաև սատարել է խոցելի համայնքներին՝ վերջիններիս տրամադրելով 28.5 մլն դրամի չափով ֆինանսական աջակցություն, ներառյալ բնեղեն եղանակով իրականացված ներդրում մեր գործընկեր բարեգործական կազմակերպությունների օգնությամբ», - նշել է HSBC Հայաստանի գլխավոր գործադիր տնօրեն Իրինա Սեյլանյանը։

Լավագույն բանկը կայուն ֆինանսների առումոսվ

Երկրորդ տարին անընդմեջ HSBC-ն ճանաչվել է աշխարհի լավագույն բանկը կայուն ֆինանսների առումով։

Euromoney ամսագրում նշվում է․ «Այս տարի բանկերից մեկը հատկապես առանձնանում է ավելի բարձր չափանիշներ և կապիտալ ապահովելու շարունակական հանձնառությամբ` միջազգային մակարդակով մի շարք ոլորտներում դրական փոփոխություններ իրականացնելու նպատակով, և այդ բանկը HSBC-ն է»։

Վերջին մեկ տարվա ընթացքում HSBC-ն բազմաթիվ նորարարական ծառայություններ է ներմուծել՝ աջակցելով իր հաճախորդներին (մանրածախ ծառայություններից օգտվող հաճախորդներից մինչև խոշոր միջազգային հաճախորդներ) կայունության ապահովման հետ կապված նպատակների իրագործման հարցում: Ավելին, բանկը միջազգային մակարդակով շարունակում է վարել քննարկումներ ցածր ածխածնային տնտեսությանը անցում կատարելու նպատակով։ Այս տարվա հունիսին նախորդող տասներկու ամիսների ընթացքում բանկի Կայուն ֆինանսների կենտրոնը հրապարակել է ավելի քան 50 զեկույց և հոդված կլիմայի և ֆինանսների վերաբերյալ։

Լավագույն բանկը գործառնական ծառայությունների մատուցման առումով

Գերժամանակակից տեխնոլոգիաների մեջ շարունակական ներդրումների կատարման շնորհիվ HSBC-ն ճանաչվել է աշխարհի լավագույն բանկը գործառնական ծառայությունների իրականացման առումով։

«HSBC-ն մեծապես կարևորում է նորարարական ծառայությունների մատուցումը՝ հիմնվելով արհեստական բանականության, բարդ  տվյալների, թվային տվյալների բաշխման տեխնոլոգիաների և բջջային լուծումների ոլորտում գրանցվող զարգացումների վրա։ Այս մոտեցումը առանցքային է եղել ճգնաժամի ընթացքում՝ օգնելով հաճախորդներին տեխնիկական լուծումներով դիմակայել գործառնական մարտահրավերներին», - նշվում է Euromoney ամսագրում։

Բանկն ամբողջությամբ կարողացել է թվայնացնել նոր հաճախորդների ներգրավման և գործարքների հետ կապված մի շարք ընթացակարգեր, երբ իրավիճակով պայմանավորված` հաճախորդները բախվեցին իրենց բանկային գործարքները անձամբ կատարելու հետ կապված բարդությունների: Սա հանգեցրեց առցանց ու բջջային գործիքների օգտագործման կտրուկ աճի:

Euromoney ամսագրի մրցանակներին նախորդում են HSBC-ի՝ The Banker ամսագրի կողմից վերջերս տրամադրված 2020թ-ի բանկային գործառնական ծառայությունների մատուցման համար մրցանակները։ HSBC-ն ճանաչվել է որպես լավագույն բանկ Արևմտյան Եվրոպայում գործառնական ծառայությունների իրականացման, ինչպես նաև արժեթղթերի շուկայում բանկային ծառայությունների մատուցման համար։ Հուլիսին Euromoney ամսագրի կողմից HSBC-ն ճանաչվել է նաև Մերձավոր Արևելքի լավագույն բանկ գործառնական ծառայությունների մատուցման առումով։ 

HSBC Խումբ

HSBC Holdings plc-ը՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է տրամադրում 64 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր և հզոր ֆինանսական կառույցներից մեկը, որի ակտիվները 2020թ. մարտի 31-ի դրությամբ կազմել են 2,918 միլիարդ ԱՄՆ դոլար:

HSBC  Հայաստան

«Էյչ-Էս-Բի-Սի Բանկ Հայաստան» ՓԲԸ-ը հիմնադրվել է 1996թ-ին։ Բանկը համատեղ ձեռնարկություն է, որի 70%-ը պատկանում է HSBC Խմբին, իսկ 30%-ը` արտերկրի հայ գործարարի: Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 8 գրասենյակների և մոտ 362 աշխատակիցների միջոցով: 2020թ.-ի մարտի 31-ի դրությամբ բանկի ակտիվները կազմել են  298 միլիարդ ՀՀ դրամ` ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված վարկեր: