Հինգշաբթի, 4 Օգոստոսի 2022 13:30

Արմինֆո. Երևանի բազմաբնակարան շենքերում անշարժ գույքի միջին շուկայական արժեքը 2022թ. II եռամսյակում աճել է 5,4% - ով, տարեկան 16,7% աճի դեպքում' կազմելով 386.2 հազար դրամ/1քմ: Այդ մասին են վկայում ՀՀ անշարժ գույքի կադաստրի պետական կոմիտեի տվյալները:

 

Երևանում բնակարանների ամենաբարձր գներն ավանդաբար Կենտրոն համայնքում են, միջինը՝ 737.9 հազար դրամ/1 քմ (տարեկան աճը ՝ 19.8%, եռամսյակի աճը՝ 6%): Կենտրոնին հետեւում է Արաբկիրը, որտեղ բազմաբնակարան շենքերի գինն արձանագրվել է 522 հազար դրամ/1 քմ մակարդակում (տարեկան աճը ՝ 17,3%, եռամսյակային աճը ՝ 5,9%)։ Առաջատարների եռյակը եզրափակում Է Քանաքեռ-Զեյթուն վարչական շրջանը՝ 383.7 հազար դրամ/1քմ (տարեկան աճը՝ 20.6%, եռամսյակի աճը ՝ 5.5%):

 

Մայրաքաղաքում բնակարանների ամենացածր գները պահպանվում են Նուբարաշեն համայնքում, որտեղ բնակարանի քառակուսի մետրի արժեքը միջին հաշվով կազմել է 202.4 հազար դրամ, տարեկան 14.7% աճով, իսկ եռամսյակում՝ 5% - ով:

 

Ընդ որում, II եռամսյակում մայրաքաղաքում իրականացվել է բնակարանների առքուվաճառքի 3 343 գործարք, ինչը 30%-ով  բարձր է մեկ տարվա վաղեմության ցուցանիշից, եռամսյակում աճելով 30,8% - ով: Այնուհետեւ հաջորդում են առանձնատներին առնչվող գործարքները՝ 631 (տարեկան աճը 18,8%, եռամսյակում՝ 41,8%), ավտոտնակներին առնչվող գործարքները՝ 478 (տարեկան աճը 7,2%, եռամսյակում՝ 22,6%), հողին առնչվող գործարքները՝ 394 (տարեկան աճը 2,6%, եռամսյակում՝ 5,9%), հանրային նշանակության շենքերին առնչվող գործարքները՝  320 (տարեկան աճը' 16,8%, եռամսյակում' 21,2%), արտադրական նշանակության շենքերին առնչվող գործարքները' 52 (տարեկան աճը' 6,1%, եռամսյակում՝ 5,5 տոկոս անկում)։

 

Ընդհանուր առմամբ, Երևանում հաշվետու ժամանակահատվածում կնքվել է  անշարժ գույքին անռչվող 17384 գործարք, ինչը մեկ տարվա վաղեմության ցուցանիշից բարձր է 10,5% - ով, եռամսյակում 23,1% - ով աճի դեպքում: Այդ գործարքների ընդհանուր թվում առք ու վաճառքին բաժին է ընկնում 30% կամ 5 218 գործարք, 22,6% տարեկան աճով, իսկ եռամսյակում աճը 27,8% է: Անշարժ գույքի վարձակալության գործարքների մասնաբաժինը կազմում է 9,5% կամ 1 658 գործարք, ինչը մեկ տարվա վաղեմության ցուցանիշից բարձր է 7,1% - ով, եռամսյակում 18,3% աճի դեպքում:

 

Ընդհանուր առմամբ, Հայաստանում 2022թ. երկրորդ եռամսյակում կատարվել է անշարժ գույքին առնչվող  53596 գործարք, ինչը մեկ տարվա վաղեմության ցուցանիշից բարձր է 5,8% ով, եռամսյակի ընթացքում աճելով 24,8%-ով: Ընդ որում, հաշվետու ժամանակահատվածում գործարքների առյուծի բաժինը պատկանում է հողին առնչվող գործարքներին (38%), իսկ ամենափոքր մասն առնչում է  արտադրական նշանակության շենքերին (2,4%): Ընդհանուր թվից առուվաճառքի գործարքներին բաժին է ընկնում 28,1% կամ 15 093,  տարվա ընթացքում 8,5% եւ եռամսյակում 24,7% աճով: