Արմինֆո. Միայն հուլիս ամսին Մոսկվայի միջազգային արժութային բորսան (ՄՄԱԲ) սկսել է ռուսական ռուբլի-հայկական դրամ (RUB/AMD) արժութային զույգի ուղղակի սակարկությունները, եւ եթե սակարկությունների հենց սկզբում դրանք չնչին գումարներ են եղել, ապա բառացիորեն մի քանի շաբաթվա ընթացքում ծավալներն աճել են ավելի քան 1000 անգամ: Այդ մասին Հանրային հեռուստատեսությանը տված հարցազրույցում ասել է ՌԴ տնտեսական զարգացման փոխնախարար Դմիտրի Վոլվաչը։
Նա ընդգծել է, որ խոսքը հարյուր միլիոնավոր գործառնությունների մասին է, որոնք օրական իրականացվում են այդ արժույթներով ։ "Դա նշանակում է, որ եւ Ռուսաստանի, եւ Հայաստանի բիզնեսը այդ արժույթների իրացվելիության կարիք ունի, քանի որ դրանց միջոցով իրական արտահանման եւ ներմուծման պայմանագրերի վճարում է կատարվում, կամ փոխադարձ ներդրումներ են կատարվում", - ասել է ռուս պաշտոնյան:
Վոլվաչը միաժամանակ ընդգծել է, որ ընթացիկ ժամանակահատվածում առկա սահմանափակումներն ու մարտահրավերներն անհրաժեշտ է օգտագործել տնտեսության ավելի արագ աճի եւ զարգացման համար:
Հիշեցնենք, որ հունիսի 27-ին Մոսկվայի բորսայի արժութային շուկայում սկսվել է հայկական դրամի վաճառքը։ Ինչպես նշված է Մոսկվայի բորսայի մամլո ծառայության հաղորդագրության մեջ, սակարկությունների մասնակիցներին և նրանց հաճախորդներին հասանելի կլինեն հետևյալ արժութային զույգերով' հայկական դրամ/ռուսական ռուբլի (AMD/RUB), ԱՄՆ դոլար/հայկական դրամ (USD/AMD):
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |