Արմինֆո.Էկոնոմիկայի նախարար Վահան Քերոբյանը մասնակցել է Armenia.travel կայքի շնորհանդեսին, որի հարթակում ներկայացված է ամբողջական և հետաքրքիր տեղեկատվություն Հայաստանի զբոսաշրջության մասին:
Նախարարն ընդգծել է, որ զբոսաշրջության կոմիտեի թիմի աշխատանքի շնորհիվ հաջողվել է էական արդյունք գրանցել։ Մասնավորապես, այս կապակցությամբ նա հատուկ ընդգծել է Հայաստանում զբոսաշրջության նոր բրենդի ստեղծումը և այն միջազգային հարթակներում ներկայացնելը։
"Հայաստանն իրականում զբոսաշրջության ոլորտում մեծ ներուժ ունի, առաջին հերթին, իր յուրահատուկ պատմամշակութային ժառանգությամբ, հետաքրքիր չուսումնասիրված վայրերով, բացառիկ խոհանոցով և զբոսաշրջային այլ ուղղություններով, որոնք ավելի հայտնի կդառնան նոր կայքի գործարկման շնորհիվ",-ասել է նա:
Էկոնոմիկայի նախարարության հաղորդագրության համաձայն, միջոցառման ընթացքում Զբոսաշրջության կոմիտեն ամփոփել է 2022 թվականին իրականացված աշխատանքների արդյունքները, ներկայացրել ձեռքբերումներն ու 2023 թվականի նախատեսվող ծրագրերը։
Կայքին կարելի է ծանոթանալ հետևյալ հղումով ՝ https://armenia.travel:
Նշենք, որ ՀՀ վիճակագրական կոմիտեի տվյալներով ՝ 2022 թվականի հունվար-նոյեմբեր ամիսներին Հայաստան է այցելել 1.54 մլն զբոսաշրջիկ։
Հիշեցնենք, որ 2021 թվականին Հայաստան էր այցելել 870 հազար զբոսաշրջիկ, 2020 թվականին ՝ 375 հազար, իսկ 2019 թվականին՝ ավելի քան 1.8 մլն զբոսաշրջիկ։
