Արմինֆո. 2022 թվականի 9 ամիսների ընթացքում փոխադարձ ուղղակի ներդրումների զուտ ներհոսքն աճել է ԵԱՏՄ անդամ բոլոր պետություններում բացի Ղազախստանից։
Ինչպես ասվում է Եվրասիական տնտեսական հանձնաժողովի (ԵՏՀ) ֆինանսական վիճակագրության բաժնի զեկույցում, Բելառուսում ուղղակի փոխադարձ ներդրումներն աճել են 1.9 անգամ, Հայաստանում՝ 5.9 անգամ, Ղրղզստանում՝ 4 անգամ, Ռուսաստանում՝ 61.1 տոկոսով: Ղազախստանում ԵԱՏՄ երկրներից ուղղակի ներդրումների հոսքը նվազել է 33,5%-ով:
Փոխադարձ ուղղակի ներդրումների գերակշռող գործիքներն էին ընկերությունների կապիտալում ներդրումներն ու ներդրումային ֆոնդերի բաժնետոմսերը:
ԵԱՏՄ-ում հիմնական ներդրողը Ռուսաստանն է։ ՌԴ-ը հանդես է գալիս նաև որպես Հայաստանի հիմնական և միակ ներդրող Եվրասիական միության երկրների շրջանում։ Ըստ աղբյուրի՝ Հայաստանի և Ռուսաստանի միջև փոխադարձ ուղղակի ներդրումների ծավալը հաշվետու ժամանակահատվածում կազմել է 118.5 մլն դոլար:
Զեկույցում նաև նշվում է, որ աճել են աշխարհի բոլոր երկրներից ուղղակի ներդրումները ԵԱՏՄ անդամ բոլոր պետություններում, բացի Ռուսաստանից, որտեղ նկատվել է ուղղակի ներդրումների արտահոսք: Մասնավորապես, Հայաստանում 2022 թվականի 9 ամիսների ընթացքում կատարվել է 748,1 մլն դոլարի ներդրում, ինչը 3 անգամ գերազանցում է մեկ տարվա վաղեմության ցուցանիշը։
