Արմինֆո. Էկոնոմիկայի նախարար Վահան Քերոբյանը և նախարարի տեղակալ Ռաֆայել Գևորգյանը մայիսի 31-ին հանդիպել են ՓՄՁ Ասոցիացիայի ներկայացուցիչների հետ։
Նախարարության հաղորդագրության համաձայն, օրակարգային թեմաների թվում էին միկրոձեռնարկատիրության հարկման ռեժիմում գործող գերփոքր բիզնեսների խնդիրները, հարկային օրենսգրքում լրացումներն ու փոփոխությունները, որոնցով վերացվում են այս պահին գործող շրջանառության հարկի ռեժիմում գործող տնտեսավարողների համար նախատեսված պարզեցված հաշվառման մեխանիզմները։
Քննարկմանը ներկա էին ՓՄՁ ոլորտի, հասարակական կազմակերպությունների, ինչպես նաև Հայաստանի տարբեր մարզերի փորձագետներ։
Նշենք, որ Հայաստանի էկոնոմիկայի նախարարության տվյալներով, Հայաստանի ՀՆԱ-ում ՓՄՁ մասնաբաժինը կազմում է շուրջ 27%: Այս ցուցանիշը վերջին տարիներին գրեթե չի փոխվել։ Գերատեսչությունը նախատեսում է առաջիկա 5 տարիների ընթացքում այդ ցուցանիշը հասցնել 50%-ի։
