Արմինֆո. Ռուսաստանը գնահատում է Եվրասիական տնտեսական միության գործընկերների հետ փոխշահավետ բազմապլան համագործակցությունը և շահագրգռված է միավորման ամրապնդմանն ուղղված աշխատանքների ակտիվացմամբ: Այդ մասին դեկտեմբերի 26-ին Եվրասիական տնտեսական բարձրագույն խորհրդի նեղ կազմով նիստի ժամանակ հայտարարել է ՌԴ նախագահ Վլադիմիր Պուտինը ։
"Մենք անկեղծորեն շահագրգռված ենք մեր ինտեգրացիոն միավորման համակողմանի ամրապնդման ուղղությամբ համատեղ աշխատանքի ակտիվացմամբ", - ասել Է Պուտինը, հավելելով, որ ԵԱՏՄ-ն հաստատվել է որպես ձևավորվող բազմաբևեռ աշխարհի ինքնուրույն և ինքնաբավ կենտրոններից մեկը և շարունակում է ակտիվորեն զարգանալ:
"Եվրասիական միության գործունեությունը նպաստում է առեւտրի եւ ներդրումային փոխանակումների ընդլայնմանը, գործարար կապերի ընդլայնմանը, կոոպերացիոն կապերի խորացմանը, իսկ ամենակարեւորը՝ ինտեգրացիոն փոխգործակցությունն իրական օգուտ է բերում մեր միավորման մասնակիցներից յուրաքանչյուրին, գործնականում օգնում է ապահովել հնգյակի պետությունների եւ, ընդհանուր առմամբ, եվրասիական տարածաշրջանի տնտեսությունների կայուն աճը", - ընդգծել է Ռուսաստանի նախագահը:
