ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"

Արմինֆո.  Ո՞վ է ասել, որ այս գործընթացը վնասելու է ներդրումային միջավայրի զարգացմանը, սոցիալական ցանցում հարցնում է Հայաստանի "Էլցանցերի" ժամանակավոր կառավարիչ Ռոմանոս Պետրոսյանը եւ ինքն էլ "արձանագրում է", որ "նույնիսկ սաղմնային փուլում" հզոր ազդակ է տրված ոլորտում տնտեսական ակտիվությանը":

Այսպես, "Զուտ արձանագրում" վերտառությամբ իր գրառման մեջ Ռոմանոս Պետրոսյանը հիշեցնում է, որ օրեր առաջ " ՀԷՑ " ՓԲԸ-ն հայտարարել էր նախամրցութային փուլի մեկնարկի մասին, որն անհրաժեշտ է գնումների երկու գործընթացների (նախագծային ծառայությունների և մալուխի) պատշաճ իրականացման համար' շուկայի ուսումնասիրություն իրականացնելու և առավել ներառական մրցութային գործունեություն ապահովելու նպատակով:

Այս պահի դրությամբ, նա նշել է, որ արդեն 14 ընկերություն հայտ է ներկայացրել նախագծային ծառայությունների գնման մրցույթին մասնակցելու համար, 12 ընկերություն ՝ մալուխի գնման ընթացակարգի մրցույթին մասնակցելու համար ։ Հայտերի ընդունման վերջնաժամկետին մնացել է գրեթե 2 օր։

"Խնդրում եմ բոլոր շահագրգիռ տնտեսվարող սուբյեկտներին սահմանված կարգով դիմել" ՀԷՑ " - ի համապատասխան ստորաբաժանում ՝ նախատեսվող լայնածավալ գնումներին և մատակարարումներին մասնակցելու և օբյեկտիվ մրցակցային պայմաններով համագործակցելու համար:

P.S. Փաստ է, որ վերջին տարիներին ՀԷՑ-ի այս գործընթացներին մասնակցել է ընդամենը 2-3 ընկերություն, ինչը պայմանավորված է շատ "առանձնահատուկ և արտոնյալ" հանգամանքներով։

 P.S.1. Ով է ասել, որ այս գործընթացը վնասելու է ներդրումային միջավայրի զարգացմանը։ Փաստն այն է, որ նույնիսկ սաղմնային փուլում այն, անկասկած, հզոր ազդակ հաղորդեց ոլորտի տնտեսական ակտիվությանը", - ամփոփել է "Հայաստանի էլեկտրական ցանցեր" ՓԲԸ-ի ժամանակավոր կառավարիչը: