Արմինֆո. 2026 թվականին ՀՀ քննչական կոմիտեի բյուջեն կաճի 1,2 տոկոսով կամ 219,6 մլն դրամով՝ մինչեւ 19 մլրդ 205,8 մլն դրամ։ Այդ մասին նոյեմբերի 5-ին խորհրդարանում հայտարարել է ֆինանսների փոխնախարար Վահան Սիրունյանը՝ հաջորդ տարվա պետբյուջեի նախագծի շուրջ նախնական լսումների ժամանակ։
Սիրունյանի խոսքով՝ պետական հատկացումների հիմնական մասը՝ 97,9 տոկոսը կամ 18,8 մլրդ դրամը, ՔԿ-ն կուղղի ընթացիկ ծախսերին, իսկ 400 մլն դրամ (ծախսերի 2,1 տոկոսը) ՝ կապիտալ ծախսերին։
ՔԿ նախագահ Արթուր Պողոսյանն, իր հերթին, տեղեկացրել է, որ գերատեսչությունը բյուջեի շրջանակներում իրականացնելու է մեկ հիմնական ծրագիր և 5 միջոցառում: 2025 թվականին միջոցառումների թիվը եղել է 6։ Վերջինիս շրջանակներում նախատեսվում էր կրթաթոշակ մասնագիտական վերապատրաստում անցնող անձանց համար: Այդուհանդերձ, մեկ ծրագրի ֆինանսավորումը Հաջորդ տարի կաճի շուրջ 220 մլն դրամով, ինչը, հիմնականում, պայմանավորված է Պահնորդական ծառայության ներդրմամբ ։
