Արմինֆո. 2026 թվականի հունվարի 1ից այն բիզնեսները, որոնք նվիրատվություններ կատարեն ԲՈՒՀերին, միջին մասնագիտական կրթական հաստատություններին և դպրոցներին, կարող են 10 անգամ ավելի շատ նվազեցումներ անել հարկերից քան մինչ այդ անում էին։ Այդ մասին հաղորդել է Վերակառուցման եւ զարգացման եվրոպական բանկի (ՎԶԵԲ) Ներդրումային խորհրդի ղեկավար Հովսեփ Պատվականյանը՝ սոցցանցի իր էջում։
«Նվիրատվությունը կարող է լինել սարքավորման լաբորատորիայի ստեղծման, կրթաթոշակների, միասնական ծրագրերի ֆինանսավորման, դրամային տարբերակներով և այլն», - նշել է նա։
Մասնավորապես, հաջորդ տարվանից բիզնեսը, նվիրատվություն կատարելով դպրոցին, քոլեջին կամ ԲՈՒՀ - ին, շահութահարկ վճարելիս կկարողանա տարեկան համախառն հարկային եկամուտը նվազեցնել ներկայիս 0,25%-ից մինչև 2,5%:
Արդյունքում՝ Investment Council of Armenia-ի կանխատեսմամբ, առաջիկա երկու տարիներին կրթական համակարգին անհրաժեշտ սարքավորումների, տեխնիկայի և դրամական միջոցների տեսքով նվիրաբերությունները կավելանա 40-45% - ով ։
«Փաթեթը մշակվել է ՎԶԵԲ-ի Investment Council of Armenia մեր փորձագիտական թիմի կողմից՝ ՀՀ Էկոնոմիկայի նախարարության հետ համատեղ։ Շնորհավոր բիզնես համայնքին և կրթական հաստատություններին։ Երկար սպասված փոփոխություն էր», - ամփոփել է Պատվականյանը։
